fbpx

Cine, música, sesións vermú e ‘Vai de Viños’ para pechar agosto co Compostela en Marcha

O ciclo Compostela en Marcha, que organizan as asociacións Hostalaría Compostela e Bares, Pubs e Discotecas de Santiago, en colaboración co Concello, continúa esta semana con diversas actividades. 

O ‘Cine libre’ -que houbo que suspender a semana pasada por mor do mal tempo- retomarase coa proxección da película ‘Os Fenómenos’, de Alfonso Zarauza. Será ás 21:00 h do mércores 26 de agosto na praza de San Paio de Antealtares e do xoves 27 na Rúa de Entremuros. 

O programa seguirá o venres 28 coa música de ‘The Xoubas’ de 18:00 a 22:30 h no Hotel O Xardín de Julia (Virxe da Cerca, 20). O sábado 29 haberá unha ‘Sesión Vermú’, patrocinada por Petroni, de 13:30 a 18:00 h en Santo Agostiño con Trío Son Tres e celebrarase outro ‘Serán-Tardeo’ con Pauliña Rock desde as 18:00 h na Praza dos Gatos. O domingo 30 haberá de novo ‘Sesión Vermú’ en San Paio de Antealtares de 13:30 a 18:00 h con Sr Salvaje. 

Todas as actividades faranse mantendo as medidas hixiénico-sanitarias e de distanciamento social necesarias para poder garantir a celebración de eventos fronte a Covid-19.

Para asistir, deberase facer unha reserva previa no seguinte correo electrónico e presentarse no lugar 15 minutos antes de comezar a actividade para non perder a reserva: 

reservas@compostelaenmarcha.santiagohosteleria.net

Vai de Viños

Esta semana tamén continuará o ‘Vai de Viños Compostela’ polo Distrito de Altamira e zonas lindeiras, co patrocinio da adega Lagar de Costa. Os locais participantes son Frebas, Amoado, A Ostrería, Café de Altamira, A Sucursal de Moha, Casa Pepe, Taberna do Tarela, Casa Felisa, Mesón da Troia, Botafumeiro, Forest, Damajuana, Gramola, Filandón, Cervantes, Alvaroque, Fuco Lois, La Quintana, Garigolo, Xuntanza, Benboa, Milongas e Os Croques.

Haberá ruadas para animar a actividade e os clientes poderán optar a varios agasallos cubrindo as papeletas que facilitarán os bares. Con 5 selos entrarase no sorteo dunha viaxe á adega patrocinadora e con 10 selos, ademais de entrar no sorteo, recibirase un agasallo directo de Aceites Abril (ata fin de existencias).

 

Deja una respuesta

Tu dirección de correo electrónico no será publicada. Los campos obligatorios están marcados con *

Scroll Up